Hibang-abang

Kaninang tanghali papasok na ko sa duty ko sa Nursery para magpa-dede at maglinis ng mga jerbaks ng mga baby. Bumababa ako dun sa abangan ko ng jeep sa may riles para sumakay pa ng jeep papunta sa ospital namin. Habang ako'y nag-aabang ng jeep may nakita akong ale na maitim at nakashorts na madungis na wari'y sumisigaw na tumatawid na pawang papalapit pa sakin. Bigla siyang tumabi sakin at bumati ng, "Papasok ka na ba Kuya?" Lumingon ako at medjo pahapyaw lang na tumingin sa kanya. Nagsalita siya ulit, "Kuya ang bango-bango mo naman." Naisip ko tama naman siya. So walang mali sa sinabi niya. Siguro expressive lang talaga siya sa naamoy niya. Hindi ko na lang siya pinansin kasi medjo madungis siya at mukhang may katok pa. May napansin na kong jeep na paparating na paparahin ko na ng bigla din siyang pumara dun sa jeep. Bigla pa niya akong inalalayan sa pagsakay ko ng biglang sumakay din siya! Kala ko naiwan na siya! Buti na lang maluwag ung jeep pero marami pa ring nakasakay (ewan ko kung pano nangyari un) kaya medjo magkatapat kami. Bigla niya na kong kinausap ng kinausap. Kung ano-ano na ang kinukwento niya sakin. "Kuya doctor ka ba? Nauntog kasi ung asawa ko e medjo nabaliw na kaya gusto ko sana malaman kung anong pede kong ibigay na gamot. Pede mo ba kong resetahan?" Naiilang pa ko sa kili-kili niya kasi may buhok na e maitim pa pero smiling face naman siya. Sabi ko na lang, "Pa-check up niyo na lang ho sa doctor." Napapansin ko na nagngingitian na ung mga katabi ko at pinagtitinginan na kami. Di pa siya nasiyahan at dumungaw pa para tignan lang ung nameplate ko. Buti na lang hindi niya nabigkas pangalan ko at Garcia lang nasabi niya. Medjo napaisip ako, duty ko pa naman sa mental hospital next month hindi ko alam na mapapaaga ang dating ng pasyente ko. Badtrip! Di ko pa matandaan ung mga inaral ko sa psych tungkol sa may mga mental disorder at kung pano sila patutunguhan. Wala pa naman akong dalang Nanda (a.k.a nursing book). Ayan! Malapit na kong bumaba. Ayos. Kinakabahan ako baka sundan ako. Alam ko naman na gwapo ako pero kahit pala may mga sayad e nakaka-appreciate ng itsura ko. Astig talaga. Ang puti pa naman ng suot ko. Parang talagang ang linis ko at mukhang naligo. Nung pumara na ko ngumiti ang kanyang bungi at sabi niya, "Ingat ka ha! God bless!" Ayos... how thoughtful, how Goldilocks.

Inis

Nababanas kami ngayon sa bago naming CI sa area namin sa Nursery. Napaka-mitikuloso! "Oi ano yan?" "Ay ang bagal mo naman..." kesyo ganyan, kesyo ganito. Minsan gusto ko na siyang sakalin ng stethoscope o kaya paluin na oxygen tank o kaya saksakin ng thermometer sa ilong. Lahat na lang ng bagay e may napupula sa amin. First day namin ng duty kahapon at may violation agad kami. Kumakanta kasi ung classmate ko at nagtatatawanan kami, biglang bumukas ang pinto at sumilip siya sabay sabi, "May violation kayong lahat. Kuhanin niyo ang inyong mga violation slips mamaya." E hindi naman kami ka-ingayan at sarado ung pinto. Gusto ko sana siyang sagutin ng, "Ma'am, hindi po kami nagjay-walking." Badtrip pa kanina 3-beses tumae ung alaga kong baby. Buti na lang baby pa siya kung hindi malamang na-smack down ko na siya. Paglinisin ba naman ako ng jerbaks niya na kulay meconium (slimy-green). Bukas eto na naman kami... babasain ko na lang ng tubig ung bulak at ipapasak sa tenga ko. Rawr!

Blanko

Medjo late na. Dapat tulog na ko sa mga ganitong oras. Ayoko ng nagpupuyat. Hindi ako nakapag-blog last month. Hindi ko rin nagawan ng mga ikekwento ang sarili ko. Bagong taon na, meron bang nabago sakin? Ganun pa rin ang celpon ko 3350, ako na lang ang hindi sumusuko sa kanya pero kung nakakapagsalita lang siya e malamang gusto niya nang magretiro. Parang nakuntento na lang kasi ako maliban sa wala naman talaga akong perang pamalit. Ok na rin. Natuto akong makuntento ngayong taon. Salamat sa celpon ko. Sana maka-5 years na siya sa November. Gawa na ung bahay namin pero may ilan pang dapat gawin. Mukha na siyang tirahan ng tao. Gusto ko ng magpataba ngayon. Sinubukan kong bumalik sa pagwowork out. Bumili na kasi kami ngayon ng gym equipment. Ayos. Bago hairstyle ko. Imbes na sa kaliwa ang paling ng buhok ko e ginawa kong sa kanan. Ok naman, medjo presko kasi maikli ang gupit ko. Nakita ko ung crush ko kanina. First time ko ata siyang makita this year after ko bumusita sa kanila after Christmas at regaluhan ng bagoong at cookies ang Nanay niya. Sana lang hindi niya isawsaw ung cookies sa bagoong. Crush ko pa rin siya hanggang ngayon. Mukhang next year crush ko pa rin siya pero baka may madagdag lang this year. Hanggang crush lang muna ko ngayon. Ayoko yatang magkaheart-attack. Mahirap mawalan ng GF lalo na kung sabay-sabay. Busy ako sa school ngayon, medjo nag-aaral na ko. Nag-email pala ung isa kong pinsan, ang saya kasi close kami kahit na Kana siya. May picture pa sila para sakin. Siya ung naka-pula. (Teisha, Jenee, Zach 2nd row: Rebecca and Autumn) May lihim na pagtingin ako sa kanila pero hanggang lihim na lang un. Siguro kelangan ko ng matulog kasi antok na rin ako nararamdaman ko na kasing tumataas ang aking serotonin, at ito ang dahilan kayo tayo inaantok. Babay!